Judul bloge Ga'NG'apak (Geng Ngapak) tapi kawit wingi isine koh nganggo bahasa Indonesia yah? Jan ora konsisten banget.

Kaya gie 'ngapakers' tujuan blog gie digawa jan-jane mung nggo ndue-ndue thok karo nggo curhat lah critane. Enyong temenan ora ana niatan nyindir apa nyinyir mung nggo glewean thok. Dadi sedulur pada aja pada sensi yah nek isine mandan ora nggenah.

Enyong asli wong Cilacap (jeneng desane Binangun Baru) jan-jane sekang Cilacap kota ya asih mandan adoh. Siki agi ngrantau nang Jakarta. Niate arep nggolet gawean nang kene. Tapi wis 3 wulan urung ulih-ulih koh jan yah. Ya maap ya mamake bapake sampe siki asih nyadong. Lah nek ora nyadong ya ora mangan. Nek ora mangan mengko enyong dadi gering. Nek enyong gering malah dadi pada pangling mengko. 

Uis lah kaya gue disit, nek kedawan mbok pada bingung koh.